చిన్న గీత, పెద్ద గీత

కథ వినండి.

అనగా అనగా ఒక అబ్బాయి.
ఆ అబ్బాయి బాగా తెలివైన వాడని అందరూ అంటూ ఉండే వారు.
ఆ విషయం రాజు గారిని చేరింది.
రాజు గారు ఆ అబ్బాయి తెలివి తేటలని పరీక్షించాలనుకున్నారు.

అతనిని పిలిపించారు.
ఒక పలక మీద రెండు గీతలు గీశారు.
ఒక గీత చిన్నది.
ఇంకో గీత దానికన్నా కొంచెం పెద్దది.
“పెద్ద గీతను చెరపకూడదు. కానీ ఆ గీతను చిన్న గీత చెయ్యాలి,” అన్నారు.

ఆ అబ్బాయి ఆలోచించాడు.
బలపం తీసుకున్నాడు.
చిన్న గీతను పెంచాడు.
పక్కనున్న పెద్ద గీతకన్నా పొడవు పెంచాడు.
అంతే, చెరపకుండానే పెద్ద గీత చిన్న గీత అయిపోయింది!

ఆ అబ్బాయి ఎవరో కాదు, (మహామంత్రి) తిమ్మరుసు అని అంటారు.